Majlinda Bregut nuk i ka pëlqyer mënyra se si gratë demokrate e menaxhuan protestën e tyre përpara kryeministrisë. Këtë shqetësim ajo e ka ngritur edhe në mbledhjen e sotme të grupit parlamentar demokrat. Ku mësohet se kryetarja e Komisionit të Integrimit, e ka cilësuar si të dështuar protestën poshtë zyrës së kryeministrit Rama.
“Protesta e para një dite poshtë zyrës së Ramës ishte një dështim nga të gjitha anët”, mësohet të ketë thënë Bregu në këtë mbledhje.
Por në këtë pikë i menjëhershëm ishte edhe reagimi i Bashës, i cili i kujtoi Bregut se duhet të ishte edhe ajo në protestën e të martës para kryeministrisë dhe pastaj të shkonte në mbledhje dhe të shprehte mendimet e saj.
Burimet bëjnë të ditur gjithashtu se pjesë e diskutimit ishte edhe sjellja e nesërme në Parlament. Disa deputetë kanë kërkuar
radikalizim të qëndrimit të PDsë deri në bojkotin e punimeve, por ky vendim nuk është marrë akoma.
