Majlinda Bregu ka marrë zyrtarisht detyrën e Komisioneres, në Komisionin Pan-Europian për Klimën dhe Shëndetin, të ngritur nga Organizata Botërore e Shëndetësisë.
Përmes një postimi në rrjete sociale, Bregu thotë se së bashku me figura të njohura të fushave të ndryshme, do të punojnë për të ndërtuar politikat që Europa ka më shumë nevojë.
“Me një numër më shumë sot në librin e jetës, po ndaj edhe lajmin se i jam bashkuar në cilësinë e Komisioneres, Komisionit Pan-Europian për Klimën dhe Shëndetin #PECCH, të ngritur nga Organizata Botërore e Shëndetësisë- Europë! WHO Regional Office for Europe
Së bashku me figura të njohura nga politika, shkenca dhe mjekësia europiane, të përzgjedhura nga rajone të ndryshme të kontinentit, do të punojmë për të ndërtuar politikat që Europa ka urgjentisht nevojë për të përballuar rreziqet dhe krizat e reja që po na prekin gjithnjë e më shumë.
Nuk është për klimën.
Është për jetën
Nga ajri që thithim dhe uji që pijmë, tek siguria ushqimore, valët e të nxehtit ekstrem, përmbytjet, tërmetet dhe përhapja e frikshme e sëmundjeve fizike dhe mendore,-ndryshimet klimatike janë kthyer në një krizë të shëndetit publik.
Mosha e mpreh perspektivën
Mirënjohëse për një vit më shumë & për mundësinë për ta përdorur kohën, përvojën dhe zërin, përtej vetes”, shkruan Bregu.
