Deputetja e Partisë Demokratike, Majlinda Bregua i është përgjigjur zërave në lidhje me përfshirjen e saj si pjesë e një skenari shpëtimi të qeverisë Rama.
Më anë të një shënimi në facebook, Bregu ka theksuar se unë kam qenë e qartë në çdo deklaratë qysh prej kurorëzimit të lidhjes së çiftit Rama-Meta, sipas saj, janë për njëri-tjetrin, dhe siç thotë populli në raste martesash jo fatlume: dy gjarpërinj në një jastek!
Ajo shkruan se më kanë dalë dhe tepruar hallet e partisë time që duhet të bindë njerëzit se nuk janë krejt pa shpresa.
“Ndarja mes Konfliktualit dhe Konsensualit nuk mund të jetë për asnjë moment shpresa e PD për t’u rikthyer në qeveri”, shkruan Bregu.
Postimi i plotë:
Dy fjale atyre qe lexojne portalet mediatike ku perflitem si pjese e nje skenari “shpetimi”te qeverise Rama1 permes nje qeverie Rama2 , (perballe kercenimit te supozuar nga nje manover MetaX ne bashkepunim te supozuar nuk e di se me ke, ne partine ku une bej pjese!)…
Nuk e di a eshte nje fantazi vere per arsye te vapes dhe thatesires se lajmeve, apo eshte nje diversion i sponsorizuar nga njeri prej dy partnereve te ciftit te palumtur, pra Rama ose Meta.
Ajo qe di une, eshte qe s’jam marre asnje minute me hallet e ciftit dhe te partive respektive. Nuk kam patur asnje dite piken e deshires per te qare hallet e palumturise se lidhjes se tyre.
Nga ana tjeter kam qene e qarte ne cdo deklarim qysh prej “kurorezimit ” te lidhjes se ciftit Rama-Meta, qe jane per njeri tjetrin, sic thote populli ne raste martesash jo fatlume: dy gjarperinj ne nje jastek!
Me kane dale dhe tepruar hallet partise time qe duhet te binde njerezit se nuk jane krejt pa shprese.
Ndarja mes Konfliktualit dhe Konsensualit nuk mund te jete per asnje moment shpresa e PD per t’ u rikthyer ne qeveri.
Rikthimi i PD ne pushtet me alternative qeverisjeje serioze, eshte i vetmi hall qe me shqeteson.
Sidoqofte, per sa me takon eshte e sigurte se:
Nese do kete nje qeveri Rama2, une NUK do te jem pjese e saj dhe nese do kete nje makinacion MetaX une NUK do te behem pjese e tij!
Keshtu qe kush ka fantazuar rreth meje ne vorbullen e halleve te çiftit te palumtur, le te kerkoje gjetke lajme verore.
Ndersa ne qofte diversion, keqardhje per autoret dhe shperndaresit e “informacionit”.
