Ish ministrja e Integrimit Europian, Majlinda Bregu është shprehur optimiste për celjen e negociatave me BE në tetor.
Bregu foli nga Samiti i Ballkanit Perëndimor në Poznan të Polonisë në cilësinë e sekretares së Përgjithshme të Këshillit për Bashkëpunim Rajonal. Ajo pranoi se ekonomitë e gjashtë vendeve të rajonit nuk plotësojnë ende kushtet për të qenë vende anëtare, por theksoi se BE nuk duhet të mbajë derën mbyllur për Ballkanin.
Majlinda Bregu propozoi gjithashtu një projekt integrues për rajonin në formën e një mini-zone Shengen. Kjo gjë sipas saj do të heqë të gjitha pengesat dhe barrierat mes vendeve duke e integruar më shumë rajonin në vetvete.
Vullnet politik tha ajo është mjeti me anë të cilit mund të zgjidhet çdo konflikt, duke përmendur këtu shembullin e marrëveshjes mes Greqisë dhe Maqedonisë së Veriut.
Më tej, Bregu tha se Europa nuk do të jetë kurrë e kompletuar pa Ballkanin Perëndimor pjesë të saj. /Opinion.al
