Prokuroria e Bolzanos në Itali ka nisur hetimet për një fallxhore që dyshohet se i ka marrë një gruaje rreth 400 mijë euro, me shpresën se do i hiqte “syrin e keq”, të afërmit të saj.
Lajmi është bërë i ditur në mediet lokale, shkruan gazetashqip.
Gruaja me origjinë nga Europa Lindore dhe rezidente në Verona, e kishte mashtruar klienten e saj duke i thënë se një i afërm i familjes ishte prekur nga “syri i keq” dhe për ta larguar duhej një shumë e madhe parash.
Për të zhdukur dyshimet, fallxhorja i kishte thënë se sapo i afërmi i gruas do të shërohej, paratë do i ktheheshin mbrapsht.
Seanca e parë ndaj saj është me 21 mars 2017, ku fallxhorja duhet të japë llogari për marrjen e 400 mijë eurove.
