Tonelata me kanabis vazhdojnë të zbulohen çdo ditë në Shqipëri, duke faktuar edhe njëherë përmasat e frikshme që ka marrë ky problem në vendin tonë.
Kreu i opozitës Lulzim Basha gjatë fjalë së tij sot pasdite te çadra e protestës, foli për një magazinë me rreth 100 ton drogë në Manzë të Durrësit.
Sipas Bashës janë zyrtarë të policisë që e kanë njoftuar për këtë magazinë tjetër me drogë.
Kreu i opozitës nuk dha më shumë detaje rreth kësaj magazine, por vuri theksin sërish të gjendja e rëndë në vend e krijuar nga kultivimi dhe trafiku i kanabisit.
Javën e shkuar në Përmet u zbulua një tjetër magazinë me 12 ton kanabis.
Kjo ishte sasia më e madhe e drogës e zbuluar në një vend të caktuar. Ndërkohë një ditë më parë në Skrapar u zbulua një laborator modern i kultivimit dhe përpunimit të kanabisit.
