Gugash Magani nuk është më trajneri i Flamurtarit, këtë ai e ka konfirmuar në një mesazh telefonik drejtuar Supersport. Në këtë mesazh trajneri peqinas shprehet qartë në lidhje me të ardhmen e tij tek Flamurtari:
“Me keqardhje më duhet të lajmëroj largimin tim nga drejtimi i Flamurtarit. Në respekt të të gjithë ambientit në Vlorë, nuk dëshiroj të bëj publike arsyet e këtij largimi. Falënderoj stafin dhe futbollistët për bashkëpunimin e deritanishëm, si dhe një falënderim special për të gjithë qytetarët dhe tifozët e Flamurtarit, për respektin dhe mbështetjen e pakushtëzuar”.
Kështu Magani largohet nga ekipi vlonjat pas problemeve financiare qe kishte ky ekip me lojtarët.
