Mbështetës të Partisë Demokratike i janë bashkuar protestës së thirrur nga opozita.
Ata janë drejtuar drejt sheshit Skënderbej dhe kryeministrisë me pankarta në duar, të cilat shprehin mesazhe të ndryshme.
“MAFIA”= Make Albania Free Again (Kthejini lirinë Shqipërisë) ishte pankarta kryesore me të cilën protestuesit nisën marrshimin drejt Kryeministrisë.
Për mbarëvajtjen e kësaj proteste dhe garantimin e sigurisë, policia pritet që të aktivizojë në terren rreth 1 mijë e 200 forca.
Opozita ka kërkuar leje në polici për 4 orë tubim përpara Kryeministrisë. Se cilët janë skenarët e kësaj proteste, pritet të mësohen në vijim.
