Një operacion i madh i antidrogës i quajtur “Due Mari” ka shkatërruar bandën që vepronte në Itali-Kolumbi-Amerikë, duke arrestuar 144 persona, me 11 ton kokainë, të cilat do të sillnin një fitim prej 3 miliardë euro.
Kjo është konsideruar si organizata kriminale më e rrezikshme, me 144 arrestime mes Italisë, SHBA-ve dhe Kolumbisë.
Drejtoria e Qarkut të Anti-Mafias të Reggio Calabria, Itali, ka identifikuar 15 trafikantët e drogës të akuzuar se kanë importuar në Itali më shumë se 240 kilogramë kokainë të pastër.
Organizata në Itali, sipas hetuesve, kishte promotorë kryesorë vëllezërit Franco dhe Giuseppe Cosimo Monteleone.
Trafikantët e drogës vepronin në Kolumbi, Kosta Rika, Panama, Meksikë, Brazil, Lima, Kili,Venezuela, Republika Domenikane, Ekuador.
Hetimet në Amerikën e Jugut çuan në arrestimin e 111 personave dhe zbulimin e shtatë laboratorëvë të drogës klandestine.
Policia Financiare Italiane, Policia Kombëtare e Kolumbisë dhe DEA amerikane kanë bashkëpunuar prej kohësh për të finalizuar operacionin.
Vetëm në Kolumbi ka patur 22 masa ruajtjeje për identifikimin e anëtarëve kryesorë të një organizate terroriste përgjegjëse për zhvatje, rrëmbime dhe vrasje.
Detajet u prezantuan në një konferencë shtypi që u mbajt në Drejtorinë Kombëtare të Anti-Mafias dhe Antiterrorizmit në Romë, në prani të Prokurorit Kombëtar të Anti-Mafias, Franco Roberti, Kryeprokurori i Reggio Calabria Cafiero de Raho, përfaqësuesit e Policisë Financiare, Dea-s Amerikane dhe policisë kolumbiane dhe DASHC.
