Ish-kryeministri Sali Berisha, i pyetur nga gazetarët, në një deklaratë për mediat, ka folur për deklaratën e Presidenti francez Emanuel Macron për pezullimin e vizave nga ana e Francës për Kosovën.
Berisha tha se priste që presidenti francez të sanksiononte Serbinë.
“Prisja që Macron të njoftonte sanksione ndaj Serbisë por politika e sanksionimit të viktimës nuk mendoj se është një politikë që mund t’i shërbejë avancimit të problemit. Ballkani ky është. Sanksione, ai që kryen një agresion, ai që kryen akt terrorist, stërvit terrorist, i pajis me mjete ushtarake dhe nuk i ka dënuar… Nëse duam të zgjidhim problemin t’i vlerësojmë gjërat me objektivitet. Presidenti Macron ka patur një problem me vizat, dhe para 4-5 vitesh ç’është e vërteta problemi i tij kryesor ishte krimi i organizuar shqiptar. E siguroj presidentin se nëse ka një kokë meduze ai është Edi Rama. Kosova ka kriminalitet shumë të ulët se Shqipëria”- tha Berisha.
