Dy persona të armatosur kanë plagosur drejtuesin e një automjeti në Rrugën Lushnjë-Ballagat dhe i kanë grabitur makinën, të cilën policia më vonë e gjeti të braktisur. Sipas policisë, ngjarja e rëndë ka ndodhur mbrëmjen e djeshme rreth orës 23:10 në afërsi të fshatit Garrunjas.
Dy persona të armatosur kanë hapur zjarr ndaj mjetit “Volkswagen” me targë AA 580 IH, i cili drejtohej nga 18-vjeçari D.S. Në makinë udhëtonin edhe dy të rinj të tjerë, por i plagosur ka mbetur vetëm shoferi, i cili ndodhet në spital nën kujdesin e mjekëve. Në një operacion të policisë, është arritur të gjendet i braktisur në Peqin mjeti tip “Volkswagen”, teksa janë ngritur pika të shumta kontrolli për kapjen e autorëve
