Kreu i opozitës, Lulzim Basha në një konferencë për mediat pas mbylljes së procesit të votimit ka thënë se sot shqiptarët braktisën maskaradën e votimit partiak. Basha tha se 85 përqind refuzuan votimet e paligjshme.
Madje Basha shkoi dhe më tej teksa tha se Edi Rama ëhstë refuzuar edhe socialistët. Kryedemokrati foli po ashtu edhe për manipulime në zgjedhje.
Ka pas blerje votash, kërcënim për të marrë pjesë, përdorim të administratës dhe mbushje kutish”, tha Basha.
Pjesë nga fjala e Bashës
Sot shqiptarë braktisën në masë maskaradën e votimit një partiak të Edi Ramës. 85 për qind e votuesve të regjistruar refuzuan votimet e paligjshme moniste. Edi Ramën sot e bojkotuan edhe socialistët, pasi për të sot votuan më pak se në vitin 2015 dhe 2017. Votimi i sotëm njëpartiak dhe nën kontroll të plotë njëpartiak ishte një ngjarje që nuk ndodhte askund në Europë, që nga koha e komunizmit. Organizata e Rilindjes sot kandidonte vetë, votonte vetë, numëronte vetë dhe çertifikonte vetë. Kjo është parodi tragjike e demokracisë, kushtetutës dhe shtetit të së drejtës. Akoma më tragjik është fakti që edhe pse votimet ishin në çdo element të tyrin, njësoj sikur të ishin votime të brendshme të Partisë Socialiste, ato u karakterizuan nga manipulime masive, përfshi rezultate të paracaktuara, blerje votash, kërcënim për të marrë pjesë, përdorim të burimeve publike dhe administratës shtetërore, votime të shumëfishta nga i njëjti person mbushje kutish dhe shkelje të tjera të rënda./ Opinion.al
