Kryeministri Edi Rama ka reaguar ndaj një video-mesazhi të shpërndarë nga lideri i opozitës ku thoshte se do të bëhen investime 10 milione euro për luks në selinë e Qeverisë. Lexo më shumë:Basha: Në Kryeministri salla fizioterapie, puro e konjak
Sipas Ramës, ajo që shkruan Basha është veç një gënjeshtër e pacipë. “Kur gënjeshtra i ka këmbët e gjata dhe fytyrën mbuluar me maskën tallëse të pafytyrësisë, shumëkush e ngatërron gabimisht me politikën; në fakt është vetëm pengmarrja e politikës për qëllimin më të ulët, synimin e pushtetit duke helmuar e çoroditur sa më shumë njerëz, në një përpjekje të harbuar për asgjësuar shpresën përmes asgjësimit të të vërtetave, shkatërrimit të provave, zhdukjes së fakteve!”, shkruan Rama në facebook.
Po sipas kryeministrit, ky video-mesazh është një “shembull fantastik i politikës si tallje me njerëzit, si shprehje ekstreme e vulgaritetit, si lojë e pacipë gënjeshtrash në mungesë të një vizioni, programi, lidershipi e skuadre, që duhet t’u ofronte shqiptarëve alternativën e opozitës për ta bërë më të mirë atdheun e përbashkët”.
