Kampionia e Europës në atletikë, Luiza Gega ka marrë pjesë mbrëmjen e sotme në protestën e organizuar para Gjykatës së Posaçme Kundër Korrupsionit dhe Krimit të Organizuar në mbështeteje të kryebashkiakut Erion Veliaj.
Gega u shpreh se beson në pafajësinë e Veliajt dhe vlerëson kontributin e tij në zhvillimin e Tiranës.
Kampionia shqiptare tha gjithashtu se beson te organet e drejtësisë por theksoi se mënyra se si kjo veproi me arrestimin e Veliajt sipas saj ishte e padrejtë.
Unë gjithmonë kam mbështetur versionin që ai ka patur për sportin dhe projektet që ne prisnim të realizoheshin. Kështu që këtu jam sot me sportistë të tjerë edhe për këtë. Kjo është më shumë mbështetje sesa protestë, sepse nuk është se kuptojmë shumë nga ana juridike. Mesa jemi informuar është diçka e padrejtë kjo që është bërë. Jemi këtu për mbështetjen që kemi marrë nga klubi i Tiranës që është pjesë e bashkisë, është një lloj mbështetje. Të gjithë e dimë që duhet të faktohen gjërat, nuk e kam idenë se si…
Këto supozime më duken të çuditshme si janë bërë. Unë mendoj që drejtësia do vazhdoj punën e saj, i besoj drejtësisë, por nuk më pëlqen mënyra se si qasen gjërat”, tha ndër të tjera Gega.
