Ndarja e këngëtarit Luiz Ejlli dhe vajzës së ish-kryeparlamentares Jozefina Topalli, Megi është përfolur shumë nga mediat. Mirë po asnjë prej tyre nuk ka pranuar të flasë publikisht për arsyet e ndarjes. Por ditën e sotme, këngëtari ka pranuar ta komentojë për herë të parë ndarjen e bujshme.
I ftuar në “Pasdite në Top Channel”, për të prezantuar këngën e tij të re, me të cilën do të marrë pjesë në Festivalin e RTSH-së, Luizi nuk iu shmang edhe pyetjeve private. I pyetur për lidhjen me Megin, ai tha se nuk kanë qenë të fejuar, por “ishte thjesht një lidhje”, e cila ishte e destinuar të përfundonte: “E di si ishte? Si një flluskë sapuni, e cila vjen e fryhet, ngrihet lart, fillon merr ngjyrat e bukura, bëhet një mrekulli atje dhe pastaj shpohet…” – tha Luizi duke shtuar se gjërat përfundojnë dhe kjo është e kuptueshme si për të gjithë njerëzit.
