Nuk kanë munguar batutat e kryeministrit Rama në konferencën për Censusin e Popullsisë dhe Banesave. Kreu i qeverisë tha se ambasadori Soreca meriton titullin “legjendar” pasi sipas tij, vetëm në legjenda njerëzit që ikin përgjithmonë rikthehen sërish.
“Sot në këtë prezantim të një tjetër nisme të rëndësishme, e cila do të ishte e pamundur pa ndihmën e partnerëve.
Jam së bashku me ambasadorin Luigi Soreca, i cili me rikthimin e tij në Shqipëri, qoftë edhe për pak muaj meriton titullin legjendar, sepse vetëm në legjende ndodh që ata që ikin përgjithmonë të rikthehen përsëri.
Duke pasur parasysh që sa shumë punë të mira dhe sa projekte të rëndësishme janë realizuar në Shqipëri pas këtyre prezantimeve në kohën e qëndrimit këtu të Luigit besoj se mund të them pa droje se këmba e Luigit është e mbarë dhe do jetë ogur i mirë ky prezantim i Luigit këtu edhe për suksesin e një nisme të jashtëzakonshme për nga rëndësia, përmasa edhe për nga vështirësia për tu realizuar me sukses”, tha Rama.
Censusi i popullsise dhe banesave do të nisë me 18 shtator.
