Një video e disa ushtarëve ukrainas është bërë virale në rrjet. CCN raporton se disa roje të kufirit ukrainas në ishullin e gjarprit në Detin e Zi refuzuan që të dorëzoheshin në një anije ruse, dhe si rrjedhojë u vranë që të gjithë.
Fjalët e fundit të një prej ushtarëve janë bërë virale në të gjitha rrjetet sociale. Zëri nga anija ruse u bëri thirrje ushtarëve që të dorëzohen. “Ju sugjeroj që të ulni armët dhe të dorëzoheni, ose përndryshe do të hapim zjarrin”, thoshte ai.
Por pas disa sekondash ushtari ukrainas dëgjohet të thotë: “Kjo paska qenë”. Dhe në fund ai përgjigjet: “Luftanije ruse, shko q**”.
Ushtarët po mbronin ishullin e gjarpërinjve, sipas presidentit ukrainas Volodymyr Zelensky.
“Të gjithë rojet kufitare vdiqën heroikisht, dhe nuk u dorëzuan. Atyre do t’u jepet titulli Hero i Ukrainës pas vdekjes,” tha Zelensky.
