Oleksiy Danilove, sekretari i këshillit të sigurisë kombëtare dhe mbrojtjes në Ukrainë, në një deklaratë për shtyp ka thënë se për një vjetorin e luftës ndërmjet dy shteteve, Rusia me shumë mundësi do të nis një valë të re sulmesh.
Ai është shprehur se Moska po përgatiten maksimalisht deri në përvjetorin e parë të pushtimit në datën 24 shkurt të këtij viti.
“Ata besojnë se deri në përvjetor duhet të kenë disa arritje. Nuk është sekret se ata po përgatiten për një valë të re deri më 24 shkurt. Ka një mirëkuptim në cilat fusha duan të bëjnë diçka”, tha Danilov.
Danilov ka thënë gjithashtu se Rusia ka zbuluar aftësitë mbrojtëse të trupave ukrainase në rajonin e Zaporizhzhia për një javë.
“Tani ka një grumbullim të caktuar të trupave. Ne e dimë këtë, ne e kuptojmë se çfarë po ndodh në Federatën Ruse në këtë drejtim”, shtoi me tej sekretari i këshillit të sigurisë kombëtare të mbrojtjes./Opinion.al
