Rreth mesnatës tre të rinj mbetën të plagosur me armë zjarri në Kinostudio. Paraprakisht dyshohet se përplasja nisi në një pikë bastesh dhe vijoi më pas me armë në rrugë (shih pamjet). Të plagosur nga shkëmbimi i zjarrit mbetën Rivelino Mumajesi, 36 vjeç, Juxhin Mumajesi, 24 vjeç dhe Ibrahim Durollari, 28 vjeç.
Ata u dërguan në spital dhe zyrtarisht policia tha se dy prej tyre janë jashtë rrezikut për jetën, ndërsa njeri prej tyre ne gjendje kritike. Nga spitali i Traumës konfirmohet se Durollari ndodhet në reanimacion, në gjendje të rëndë për jetën.
Për ngjarjen janë shoqëruar rreth 23 persona, ndersa nje eshte arrestuar per pengim ne zbardhjen e ngjarjes. Në njoftimin e saj zyrtar, Policia e Tiranës tha se nuk ka ende asnjë të arrestuar (si autor) për ngjarjen apo për motivet e saj.
Sakaq burimet konfirmojne se një nga pistat që po hetohet është influenca për të pasur treg në fushën e lëndëve narkotike, kryesisht në zonën e Kinostudios.
Njoftimi i policise
Arrestohet për veprime që pengojnë zbulimin e së vërtetës një 29 vjeçar, për ngjarjen e ndodhur ditën e djeshme në rrugën “Aleksandër Moisiu”, ku mbetën të plagosur me armë zjarri nga dy persona të paidentifikuar shtetasit J. M., 26 vjeç, R. M., 36 vjeç dhe I. D., 28 vjeç (me precedentë kriminal për vepra të ndryshme penale).
Nga specilistët për hetimin e krimeve ndaj jetës dhe pronës u bë arrestimi në flagrancë i shtetasit :
– Ervis Bano, 29 vjeç, banues në Tiranë (për veprën penale “Veprime që pengojnë zbulimin e të vërtetës, parashikuar nga neni 301 i Kodit Penal).
Nga veprimet e tanishme hetimore në vendngjarje janë gjetur dhe sekuestruar 9 gëzhoja të qitura nga armë zjarri të llojit pistoletë të përdorura nga autorët.
Janë shoqëruar në ambientet e policisë 23 persona.
Po vijon puna për identifikimin dhe kapjen e autorëve, si dhe dokumentimin e plotë të kësaj ngjarje.
*Pamjet e vendit te ngjarjes
