Krahu i armatosur i Hamasit, Brigadat Izz el-Deen al-Qassam ka liruar dy pengje amerikane nga Gaza, një nënë dhe vajzën e saj “për arsye humanitare” në përgjigje të përpjekjeve të ndërmjetësimit të Katarit në luftën me Izraelin.
Hamasi thotë se mori rreth 200 pengje gjatë një sulmi vdekjeprurës të 7 tetorit të kryer nga Rripi i Gazës mbi komunitetet dhe bazat ushtarake në Izraelin jugor.
Hamasi tha se 50 të tjerë mbahen nga grupe të tjera të armatosura në vend. Ai tha se më shumë se 20 pengje janë vrarë nga sulmet ajrore izraelite, por nuk ka dhënë detaje të mëtejshme.
Zëdhënësi i saj, Abu Ubaida tha se ata i liruan qytetarët “për arsye humanitare dhe për t’i provuar popullit amerikan dhe botës se pretendimet e bëra nga Presidenti Joe Biden dhe administrata e tij fashiste janë të rreme dhe të pabaza”.
Izraeli iu përgjigj krizës së pengjeve dhe sulmit nga persona të armatosur të Hamasit, i cili vrau 1,400 izraelitë, duke goditur Gazën me sulme ajrore, duke vrarë më shumë se 4,000 njerëz dhe ka thënë se do të veprojë për të liruar pengjet duke zhdukur Hamasin.
Izraeli ka thënë gjithashtu se bllokada e plotë nuk do të ketë fund nëse pengjet izraelitë nuk lirohen. Krahu i armatosur i Hamasit tha më 16 tetor se jo-izraelitët e rrëmbyer ishin “mysafirë” të cilët do të liroheshin “kur rrethanat në terren ta lejojnë”.
Hamasi ka sugjeruar se pengjet mund të shkëmbehen me 6,000 palestinezë të mbajtur në burgjet izraelite, por Izraeli nuk ka gjasa të pajtohet me këtë ndërkohë që është në baza luftarake.
Zyrtarët amerikanë dhe britanikë kanë konfirmuar se kanë punuar me Katarin për të siguruar lirimin e pengjeve, përfshirë qytetarët e tyre, të mbajtur në Gaza./Opinion.al
