Turqia do të ndalojë të gjitha eksportet dhe importet nga Izraeli që nga e dita e enjte.
Lajmin e ka bërë të ditur Bloomberg, i cili citon dy burime të njohura me këtë çështje.
Deri më tani nuk ka ende një njoftim zyrtar nga qeveria turke.
Sipas Shërbimit Statistikor Turk, tregtia midis Izraelit dhe Turqisë ishte 6.8 miliardë dollarë në 2023, me 76% që vinte nga eksportet turke.
Muajin e kaluar, Turqia njoftoi se do të kufizonte eksportet në Izrael, duke pretenduar se Tel Avivi refuzoi ta lejonte të hidhte ndihma humanitare në Rripin e Gazës.
Ministria turke e Tregtisë njoftoi në atë kohë se do të vendoste kufizime në eksportin e 54 produkteve që mund të përdoren për qëllime ushtarake.
Lista përfshinte: hekur, makineri ndërtimi, mermer, makineri për përpunimin e metaleve, plehra kimike, ngjitës, çimento dhe alumin.
Dje Ankaraja njoftoi se do të bashkëpunojë me Afrikën e Jugut dhe do të mbështesë padinë e ngritur kundër Izraelit në Hagë.
