“Një ditë do e gjej jashtë fushe dhe do i çaj kafkën”. Trajneri portugez ka lëshuar një deklaratë shokuese kundër kolegut të tij. Kjo deklaratë është botuar në librin e gazetarit Rob Beasley, shumë i afërt me portugezin, me titull ‘Up Close and Personal’.
Libri pritet të dalë në treg javën e ardhshme. Deklarata e Murinjos është bërë dy vite më parë, pasi Venger e kishte kritikuar atë për shitjen e Huan Matas tek Junaited.
Marrëdhënia e Murinjos me Venger nuk ka qenë asnjëherë e mirë.
Dy vite më parë ata madje u përplasën edhe fizikisht, ndërsa luhej ndeshja Çelsi-Arsenal. Murinjo e ka thumbuar Vengerin gjithmonë si një njeri që qan nga mëngjesi në darkë, ndërsa Venger ka qenë kundër shpenzimeve dhe blerjeve në shifra marramendëse të lojtarëve nga ana e portugezit. Kritika më e fundit e Venger ishte ajo për blerjen e Pol Pogbasë. Por, askush nuk e mendonte se urrejtja e Murnjos për Venger shkonte deri këtu.
