Gjatë ditës së sotme në revistën “Bordo” është publikuar një shkrim në të cilin thuhet se fotografi Endrit Mërtiri dhe stilistja Bora Kokëdhima kanë kopjuar në postimin e tyre të fundit koleksionin Haute Couture të realizuar në vitin 2015 nga stilistja Enada At’ Nikolla për revistën “Bordo”.
“Një set fotografik i publikuar në rrjetet sociale mbrëmjen e së shtunës (datë 11 qershor 2016), nga fotografi Endrit Mërtiri dhe Bora Kokëdhima nuk ishte as më shumë e as më pak, veçse një kopje e koleksionit Spring-Summer 2015, të stilistes Enada At’Nikolla krijuar për revistën BORDO. Vitin që shkoi At’Nikolla i bashkangjiti veshjeve të saj haute couture një koleksion kapelesh, të cilat ishin frymëzuar teksa ajo krijoi të parin parfum të saj, Enada At’Nikolla Prive. Pikërisht kapelet-lule korrenspondonin me lulet, që ishin zgjedhur për aromën e parfumit të saj.
Koleksionin houte couture, kapelet-lule dhe parfumi At’Nikolla Prive u prezantuan ekskluzivisht në numrin e parë të revistës BORDO, që u publikua në Korrik 2015, teksa i mbante veshur supermodelja Xhesika Berberi, fotografuar nga Geljant Kaleci. Gati një vit më pas, një imitim i këtij koleksioni, e mandej edhe një pozë vjen nga stilistja Bora Kokëdhima, që është prezantuar nën siglën Savage dhe fotografi Endrit Mërtiri, teksa pozon modelja Elena Lika. Është kjo mungesë krijimtarie, apo dëshirë për vëmendje?!
Për më shumë flasin vetë fotot,”-shkruan revista Bordo.
Por menjëherë është kundërpërgjigjur fotografi Endrit Mërtiri ku shprehet me “fakte” rreth të vërtetës: “Foto e pare ( fotografi për revisten Elegance ) e realizuar nga unë daton me 30 tetor 2014 , kohe kjo kur Bordo ende nuk ishte ngjizur,”-shprehet Mërtiri krahas fotos./Ekspress
