Nënkryetari i Partisë Demokratike Luçiano Boçi ka rrëfyer për të parën herë detaje nga jeta e tij familjare, ndërsa tregoi se me bashkëshorten është njohur në auditorët e universitetit dhe se ajo ishte studentja e tij.
I ftuar në News 24 në emisionin “Dola te Ola”, Boçi ka marr në fakt edhe një mesazh suprizë nga bashkëshortja e tij Blerina.
“Ti për mua je drita e mëngjesit që vjen herë e zbehtë, e herë plot ngjyra, dhe herë si një vetëtimë. Je një energji jetësore për mua, për fëmijët tanë, por dhe për të gjithë ata që të duan, të njohin dhe të vlerësojnë. Pas kaq vitesh mund të them që nuk ka qenë gjithçka e lehtë, por mes dallgësh dhe sfidash ti ke mbetur mendimi im më i bukur dhe ndjesia më e ëmbël”, tha ajo.
Luçiano dhe Blerina janë prindër të dy fëmijëve, një djalë dhe një vajzë./Opinion.al
