TIRANE-Fatos Lubonja ka komentuar qëndrimet e deputetit socialist Ben Blushi. Ai thotë se ato janë një test domethënës për të shpjeguar atë që po ndodh me kryeministrin e vendit. Në një editorial për gazetën Panorama, Lubonja ngre disa pyetje: Pse Edi Rama nuk pranon të bëhen zgjedhje sipas statutit? Pse ai i termbet garës për kreun e PS-së?
Dhe këtyre pikëpyetjeve ai u jep përgjigjen duke thënë se kundërshtimi i Ramës për të zbatuar rregullin shpreh gjendjen e tij mendore, se ai është sa rrjedhojë e delirit të madhështisë (që megjithëse e di se do të fitojë, nuk duron dot një shumicë të vogël që të kundërshtojë) po aq edhe me maninë e persekutimit (që imagjinon njerzit që do të komplotojnë kundër tij).
Sipas Lubonjës, një njeriu me këto simptoma nuk i duhet lënë në dorë as familja e tij dhe jo më drejtimi i partisë më të madhe dhe i shtetit.
Lubonja kalon në sitë gjendjen mendore të drejtuesve në partinë socialiste që duket e paaftë për të reaguar ndaj delireve të një kryeministri të sëmurë.
Në debatet që po zhvillohen midis tyre, shumica e mediave merren me argumentet se pse ka të drejtë Blushi apo pse ka të drejtë Rama, shkruan Lubonja.
