Nënkryetar i LSI-së Luan Rama i është rikthyer sërish çështjes së fikjes së radarëve nga ana e shtetit. Me një status në Facebook, Rama shkruan se në punë janë vetëm trafikantët, ndërsa shteti është në gjumë.
Ja çfarë shkruan Luan Rama në Facebook:
Po e them drejtpërdrejtë: Sistemi i Integruar i Vëzhgimit të Hapësirës Detare (SIVHD – thënë më thjeshtë sistemi i radarëve) në Republikën e Shqipërisë, anëtare e NATO-s, nuk punon!
Për të qenë më i saktë, ka gati dy vjet që ky sistem nuk është operacional! Ndërkohë, pagesat nga ana e Ministrisë së Mbrojtjes për mirëmbajtjen e këtij sistemi janë kryer rregullisht dhe në kohë!
Çfarë duhet të ndodhë më shumë se kaq që shteti të zgjohet nga gjumi dhe institucionet e zbatimit të ligjit të kryejnë detyrën?!
Çfarë pret Prokuroria që nuk nis hetimet?
Apo që trafikantët e kriminelët të vazhdojnë të bëjnë siç kan? bërë?!
Drejtori i Përgjithshëm i Policisë së Shtetit e ka denoncuar këtë realitet mbi një muaj më parë!
Dhjetë ditë më parë, unë publikisht i kam kërkuar Prokurorisë të nisë hetimet! Çfar? pritet akoma?! Mosveprimi i shtetit është bashkëfajësi në krim!
Edhe një herë po e përsëris: radarët nuk punojnë! Shteti ende në gjumë! Në punë janë vetëm trafikantët!…
