Luan Rama i LSI-së ka reaguar porsa ka parë një lajm në media se Edi Rama ka deklaruar nga Vlora se “bashkëqeverisja me LSI ishte si një pengmarrje”.
Numri dy i LSI-së shkruan se nëse i është dukur pengmarrje pse kërkoi Rama 6 muajt e fundit të shkonin sërish bashkë në koalicion për 4 vite të tjera.
Ja statusi i plotë i Luan Ramës
Nuk dua ta besoj si të thënë nga Edi Rama që “…koalicioni me Metën ishte pengmarrje!”
Sepse, nëse paska qenë kështu, d.m.th i pengmarrë nga LSI-ja, përse kërkoi edhe këto gjashtë muajt e fundit të bënte sërish koalicion me LSI-në?…
Apo ngaqë i lezetoi “pengmarrja?”.
Çfarë thotë Çajupi tek “Klubi i Selanikut?”:
“- Të paskan lënë mëntë more beu ynë!”
Dhe kush mund të thotë që nuk ka të drejtë Çajupi!…
Deklarata e Edi Ramës në Vlorë
Këtu edhe një ish-polic bëhet drejtor muzeu. Na duhet të krijojmë makinerinë e shetit e jo të partive. Kjo është histori pengmarrje, ose ta pranoj koalcionin ose kap tepsi më të madhe te partia tjetër. Ky është ankand, ca lidhje ka kjo me demokracinë, shtetin. Dalin thonë përralla në televizion dhe dhëmbët në tepsi kur fiken kamerat. Na ndihmoni të mos mbyllim gojën kur shohim padrejtësiara dhe të mos bëjmë dot gjë. Demokracia nuk është anarki dhe pazar. Nëse demokracia funskionon është që shtetit të funksionojë siç duhet.
