Prokuroria e Apelit të Duurësit ka reaguar menjëherë pas deklaratës së ambasadorit, Donald Lu për lirimin e ish-kreut të bandës së Durrësit, Lulzim Berishës.
Gjykata, bën me dije, se do të ankimojë vendimin dhe rekursi do të bëhet në Gjykatën e Lartë.
Me një vendim të pak ditëve më parë, Gjykata e Apelit, vendosi që 5 vitet e mbetura të burgut, ish-kreu i bandës së Durrësit, t’i kryente në liri me kusht.
Ambasadori i SHBA-ve, Donald Lu reagoi ashpër ditën e sotme ndaj lirimit nga burgu të ish-kreut të bandës së Durrësit, Lulzim Berisha.
Duke shfrytëzuar ditën kundër korrupsionit, diplomati amerikan, tha se lirimi i Berishës ishte i papranueshëm dhe duhet të na indinjojë.
Për ministrin e Brendshëm Saimir Tahiri kjo ngjarje është një kambanë alarmi për domosdoshmërinë e vettingut.
