Ambasadori i SHBA-ve në Shqipëri, Donald Lu, i ftuar sot në një prej aktiviteteve të organizuara nga Ministria e Brendshme, është ndalur edhe njëherë te peshqit e mëdhenj. Lu përmendi disa prej arrestimeve të kryera kohët e fundit, si ai i Met Kananit, dhe Arbër Çekaj për 613 kg e kokainës.
Lu u shpreh se në këto 8 muaj janë bërë shumë, ndërsa e quan dështim të qeverisë mos arrestimin e Kelmend Balilit.
“Shumë ka ndodhur në 8 muaj, e shumë ka mbetur për tu’ bërë. Shqipëria mbështeti arrestimin e trafikantit të madh Met Kanani në Turqi, më pas banda e tij u arrestua në Shqipëri. Policia mbështeti sekuestrimin e 613 kg kokainë dhe arrestimin e Arbër Çekaj në Gjermani. Disa anëtarë të bandës së tij janë arrestuar dhe do arrestohen të tjerë. Hetimi penal kundër ish-ministrit të brendshëm Saimir Tahiri dhe ish-kryeprokurorit Adriatik Llalla vazhdon. Shumë aktivitet për një periudhë të shkurtër kohe por duam rezultate konkrete. Duam që peshqit e mëdhenj të ndiqen penalisht, të dënohen dhe futen në burg. Ky do ishte sukses.
Dua të theksoj një dështim të qeverisë dhe policisë, arrestimin e Klement Balilit.
I bëjmë thirrje që të vazhdojnë luftën kundër krimit të organizuar pa mëshirë”, deklaroi Lu.
