Pas konferencës së përbashkët të Federica Mogherinit me kryeministrin Edi Rama në Tiranë, ka reaguar Petrit Vasili. Ish-kreu i grupit parlamentar të LSI-së ka thënë se Mogherini i bëri qokën e fundit Edi Ramës, sepse foli për një Shqipëri që nuk ekziston.
Në një status në Facebook, Vasili ka renditur të gjitha ato që ai i quan “gënjeshtra” të përfaqësues së lartë të Bashkimit Europian në Tiranë, duke shtuar se ajo harroi parimet evropiane për t’i bërë qejfin Edi Ramës.
“Mogerini i habiti per keq sot shqiptaret. Mogerini mbylli sot syte edhe perpara raportit te Departamentit Amerikan te Shtetit. Parimet e Europes se Bashkuar kane ne themel zgjedhjet e lira e te ndershme, transparencen, demokracine funksionuese,shtetin e se drejtes,barazine perpara ligjit,luften pa kompromis ndaj krimit dhe korrupsionit ku qeveria ka deshtuar ne te gjitha. Me sa duket Mogerini ne ikje e siper i harroi rruges keto parime te medha te Europes qe aspirojne shqiptaret,por qe nuk ka aspak te beje me ate qe thote Mogerini ne alibine per qeverine e kapur te Edi Rames. Gjynah. Mogerini qe nje kohe e humbur kot per shqiptaret”, ka shkruar ndër të tjera në statusin e tij Petrit Vasili./Opinion.al
