LSI ka dalë sot me një qendrim të qartë për reformën në drejtësi dhe krejt të afërt me qendrimin e PD-së. “Duhet draft me konsensus politik”, tha Vasili, duke shtuar se “me kushtetutën e vendit nuk mund të bëhen eksperimente. Duhet të jetë e qartë për këdo, ne nuk jemi një republikë ekspertësh”, vijoi ai.
Ai solli edhe shembuj, ku roli i ekspertëve është kthyer në mit në opinionin publik, duke iu referuan Crown Agents. “Ne kemi miratuar ligjin që mbështeste ‘Crown Agents’ për doganat dhe rezultoi se ajo që u përftua nga mitizimi ishte tepër e hidhur”, tha ai. Në emër të LSI-së, Vasili tha prerë se qëndrimi për reformën është: “Qëndrimi ynë është shumë i qartë. Reformë me konsensus që respekton pikë për pikë opinionin e Venecias”.
