Lëvizja Socialiste për Integrim është një një linjë me PD për sa i takon ligjit të mbetjeve. Ata kundërshtojnë nismën e PS për tu tërhequr nga ligji i mbetjeve me argumentin se do ta kalojnë për debat në publik. Kjo është shkelje e rregullores së Parlamentit, tha Vasili ndërsa argumenton:
“Kryetari i grupit parlamentar të PS, Balla ka thënë publikisht që tërheq pr/ligjin. Po sqaroj opinionin publik dhe ju. Nuk kemi të bëjmë me pr/ligj për mbetjet, por kemi të bëjmë me LIGJ. Pra Kuvendi i Shqipërisë për këtë çështje është shprehur me votë. Që nga ky moment po themi pronësia politike e propozuesve qofshin deputetë apo qeveri, ka rënë.
Ky ligj tashmë është pjesë e atyre ligjeve që Kuvendi miraton. Ka vetëm një moment procedurial që Presidenti ka kthyer ligjin dhe i ka dhënë një mundësi të re mazhorancës të reflektojë. Detyra e mazhorancës fillon me shqyrtimin e dekretit të Presidentit dhe më tutje të ecë përpara. Nuk ka asnjë mundësi juridike që PS të tërheqi, nuk është pr/ligj, por është ligj.
Këtu ka një rol të veçantë për të bërë rojtarin korrekt të rregullores, kryetari i Kuvendit. Nëse Ruçi do të pranonte një dhunim të tillë skandaloz të rregullores ky do të ishte fundi i parlamentit dhe problemi që flasim kaq sekonda në parlament kjo nuk ka rëndësi, sepse rregullorja në këtë moment do kishte rënë.
Kryetari i Kuvendit duhet tja përcjellë komisionit përkatës, dhe këtu detyra e kryetarit të Kuvendit mbaron pasi nuk ka asnjë atribut tjetër dhe komisioni përkatës duhet të marrë në shqyrtim nismën për dekretin e presidentit dhe brenda 8 javësh nga dita e fillimit duhet të prodhojë raportin dhe duhet të shkojë në seancë për të votuar ky dekret”. /Opinion.al
Qendrimi i PD per ligjin e plehrave
