TIRANE-Lëvizja Socialiste për Integrim ka mbledhur sot kryesinë e partisë. Sipas burimeve për Opinion.al diskutohet sot edhe për lëvizje të ndonjë ministri të kësaj force politike në kabinetin “Rama”.
LSI ka ndryshuar pak muaj më parë ministrin e Drejtësisë, duke zëvendësuar Nasip Naçon me Yllin Manjanin. Ilir Meta ka folur gjithnjë për nevojën për “impulse të reja” në Qeveri.
Sakaq edhe Rama, ka bërë lëvizjen e parë në freskimin e kabinetit ndër ministrat e PS, duke larguar Shkëlqim Canin.
Në 2 vite e gjysëm këto janë ndryshimet në kabinetin Rama
1.Më 1 Gusht 2014 jep dorëheqjen Ilirian Celibashi nga ministër për Marrëdhëniet me Parlamentin, Rama e zëvendëson me Ermonela Felajn.
2. Më 21 Maj 2015, Blendi Klosi emërohet ministër i Mirëqenies Sociale, pas dorëheqjes së Erion Veliaj, i cili garoi dhe fitoi Bashkinë e Tiranës.
3. Më 9 Nëntor 2015 jep dorëheqjen ministri i Drejtësisë, Nasip Naço. Ilir Meta shkarkoi Naçon dhe propozoi Ylli Manjanin, vendim ky që u miratua nga Rama.
4. Më 16 Shkurt 2015, Kryeministri Rama shkarkon ministrin e Financave, Shkëlqim Cani dhe në vend të tij emëron, ministrin e Ekonomisë, Arben Ahmetaj. Ndërsa tek ministria e Ekonomisë emëron zv.ministren e Shëndetësisë, Milva Ikonomi.
