TIRANE- LSI-ja, parti në koalicion qeveriës ka kritikuar ashpër Qeverinë Rama. LSI i kujton qeverisë se kur FMN nuk lexohet me seriozitet kemi të bëjmë me krizë, duke i sjellë në kujtese krizën e vitit 1997.
Në një deklaratë nga selia e LSI, sekretari i përgjithshëm Luan Rama tha se në raportin e fundit të Fondit Monetar Ndërkombëtar numëroheshin një sërë problemesh me transparencën. Sipas tij, qeveria duhet të reagonte zyrtarisht për raportin e FMNnë, duke çmuar si shumë të rëndësishëm transparencën fiskale që duhet të bëjë qeveria.
“Raporti i fundit i FMN kërkon seriozitet dhe maturi në leximin e tij sepse sa herë që qeveria shqiptare nuk e ka konsideruar me seriozitet qëndrimin e FMN atëhere jemi ndeshur me fenomene krizash apo situate të pakëndshme ekonomike apo sociale” tha ai.
Duke theksuar se 10 nga 36 rekomandimet e FMNsë nuk zbatohen, në emër të LSIsë, ai i tërhoqi disa herë vëmendjen qeverisë të reflektojë me seriozitet dhe përgjegjshmëri.
“Qeveria duhet ta lexoje në mënyrë të drejtpërdrejtë atë si është shkruar raporti, madje duhet lexuar me seriozitet dhe më me konsistencë ndofta edhe sesa rekomandimet e Komisionet të Venecias.
Mirëqeverisja, qeverisja e mirë impaktin e parë duhet ta krijojë te cilësia e jetës, te të ardhurat e familjes, ofrimi i shërbimit që e bën jetën të denjë dhe e përafron atë me standardet e vendet të BE ku duam të jemi. E ftoj qeverinë të jetë më e ndjeshme, më e përgjegjshme kur është fjala për standardin e qeverisjes, mirëqeverisjen dhe shërbimin ndaj shqiptarëve” tha ai.
