Lëvizja Socialiste për Integrim kërkon që të shpallet i pavlefshëm procesi i votimit në disa qendra votimi të Qarkut të Beratit.
Si rrjedhojë, ky subjekt politik kërkon përsëritjen e zgjedhjeve në Qarkun e Beratit. Sipas LSI-së votimi në këto QV ka ndodhur në shkelje të ligjit duke dëmtuar në këtë mënyrë rëndë procesin zgjedhor.
Në një shkresë tjetër dërguar KQZ-së kërkohet gjithashtu ndryshimi i vendimit të Celibashit për tabelën e rezultatit të vendimit në këtë qark. Po ashtu kërkohet rinumërim dhe rivlerësim i votave në disa ZAZ
Në qarkun e Beratit PS mori 5 mandate, PD 2 , ndërsa LSI ka humbur 2 mandatet që mori në 2017. Më herët LSI ka kërkuar përsëritjen e zgjedhjeve edhe në qarkun e Gjirokastrës./Opinion.al
