Ish-kapiteni i Kombëtares shqiptare, Lorik Cana ka marrë një lajm të hidhur ditën e sotme. Ka ndërruar jetë në moshën 85-vjeçare pas një sëmundje të gjatë gjyshi i tij, Gani Vula.
Lajmi është bërë me dije nëpërmjet një njoftimi.
Vula ka qenë ish delegat i Kuvendit të Republikës së Kosovës në legjislaturën e vitit 1990, po ashtu ka qenë edhe nënshkrues i Deklaratës Kushtetuese për Pavarësinë e Kosovës më 2 korrik 1990 dhe pjesëmarrës në aprovimin e Kushtetutës së Kosovës në Kuvendin e Kaçanikut.
Për kontributin e tij si Delegat i Kuvendit të Kosovës ishte dekoruar nga Presidenti Dr. Ibrahim Rugova me Medaljen e Artë të Pavarësise.
Njoftohet se ceremonia e varrimit i të ndjerit bëhet nesër (e Premte 25 Nëntor) në varrezat e qytetit në Prishtinë, në lagjën Arbëria në ora 14:00.
