Një ngjarje dramatike ka ndodhur në Anglinë veriperëndimore, ku një lopë ka rënë nga pjesa e pasme e një kamioni.
Në media janë publikuar pamjet tronditëse kur lopa ra nga një kamion dhe në një autostradë të frekuentuar, teksa shoferët përpiqeshin çmendurisht t’i shmangeshin kafshës.
Mësohet se lopa po transportohej në kamionin e madh në autostradën M6 në MB të martën në mëngjes, kur u lirua dhe u rrëzua afër kryqëzimit nëntë, pak para orës 10 të mëngjesit të së martës.
Incidenti solli trafik dhe detyroi shoferët të ndërmarrin veprime evazive.
Policia thotë se edhe një lopë tjetër ra dy milje larg dhe autostrada u mbyll për rreth 3 orë midis kryqëzimeve shtatë dhe 10, afër Wolverhampton.
Grupi i Policisë Qendrore të Autostradave (CMPG) tha në Tëitter se lopët ishin “plagosur” nga rënia në autostradë, megjithëse shkalla e lëndimeve është ende e paqartë.
Kevin Rogers, 52 vjeç, ishte duke shkuar për në një ankand kur incidenti i çuditshëm u shpalos para tij.
“Lopa ra nga fundi i kamionit, kamioni pranë tij lëvizi dhe unë u largova nga rruga. Isha makina e parë që i afrohesha dhe arrita ta humbisja. Nuk e shohim këtë çdo ditë, mendimi im i parë ishte të mos e godisja. Nuk e pashë që ra nga kamioni, fatmirësisht munda të kthehesha në krahun e kundërt për ta kapërcyer”, thotë shoferi./Opinion.al
