Edhe Britania e Madhe do të aplikojë nga kjo e mërkurë një tarifë hyrëse prej 12 Eurosh për udhëtarët nga 48 shtete që nuk kërkojnë vizë.
Kjo është vlera që duhet paguar për një autorizim elektronik udhëtimi të quajtur ETA, një certifikatë dixhitale ku çdo udhëtar bën regjistrimin dixhital të të dhënave për të hyrë në Mbretërinë e Bashkuar.
Ky autorizim që merr edhe shenjat e gishtërinjve dhe pamjen e fytyrës është ekuivalenti i autorizimit ESTA që aplikohet nga Shtetet e Bashkuara kundrejt një pagese prej 21 Eurosh.
Britanikët kërkojnë tarifë hyrëse për në territorin e tyre nga shtetasit amerikanë, australianë, koreano-jugorë, Izraeli dhe disa shtete të Amerikës Latine.
Qytetarët e shteteve anëtare të BE-së, duhet të paraqesin një autorizim ETA për të hyrë në Mbretërinë e Bashkuar, duke filluar nga data 2 Prill e këtij viti.
Vlefshmëria e autorizimit ETA është për dy vite dhe hyrje të shumta në territorin britanik.
Udhëtarët nga Shqipëria kanë ende nevojë për vizë për të hyrë në Mbretërinë e Bashkuar.
Klan News
