Krahas shumë festave të shqiptarëve nëpër vende të ndryshme të botës një paradë ishte planifikuar të mbahej edhe në Londër me rastin e festave të Nëntorit, por ajo nuk u lejua të zhvillohej.
Shkak është bërë Policia Metropolitane e Londrës, e cila nuk lejoi të bëheshin festime.
Policia nuk lejoi as muzikën, as instrumentet muzikore dhe festive. Në mediat online shqiptarët ë Anglisë denoncuan se policia hoqi flamujt që ishin vendosur në makina, ndërsa forca të shumta të policisë së Londrës rrethuan dhe i ndaluan shqiptarët.
Nuk ka ndodhur kështu në Milano të Italisë, apo në kryeqytetin grek. Në Athinë rrugët për disa orë qenë të bllokuara nga makinat me flamuj kuqezi teksa bashkatdhetarët tanë u mblodhën në sheshe të ndryshme për të festuar.
