Mogherini e cila mban dhe postin e zv.Presidentes së Komisionit Evropian theksoi se, vendi ynë shumë shpejt do të jetë pjesë e BE.
Lojës së fjalëve të Edi Ramës se Shqipëria edhe pse ende nuk e ka B-në (Bashkimi) por vetëm E-në (Evropian) ka marrë përgjegjësitë e saj dhe se meritojmë të jemi në BE, Mogherini iu përgjigj duke thënë:
“Në një moment të caktuar do ta kemi edhe B-në edhe E-në, në një moment që përputhen.”
Përfaqësuesja e Lartë e BE-së foli dhe për Reformën në Drejtësi duke thënë se, “për shqiptarët është domosdoshmëri dhe nevojë absolute”.
“Mendoj se është e paprecedentë brenda Shqipërisë mbështetja për një reformë të tillë. Politika ka mbështetje të madhe të opinionit publik, ndaj mesazhi im është bëjeni jo vetëm sepse e kërkon Brukseli por sepse e duan qytetarët”, u shpreh ajo.
