Lulzim Basha reagoi live në konferencën për shtyp lidhur me deklaratën e Gazment Bardhit, i cili e akuzoi se kishte lënë PD për 12 vjet në opozitë.
Basha e quajti deklaratën e tij, lojë për të mbajtur konfliktin brenda opozitës.
Ai tha se të bësh opozitë është pak më e vështirë se të ndezësh flakadanë në Kuvend.
“Deklarata e tij është ilustrim i asaj që thash nuk do ndodhë më. Nuk bëhemi më pjesë e një loje që e mban konfliktin brenda opozitës. Është lojë e Ramës. Nxisin konfliktin përçarjen brenda opozitës.
Do dëshiroja që kjo gjuhë të merrte fund. Do ia uroja arkitektit e jo më të tjerëve që përpiqen më kot ti ngjajnë. Thirrja ime është: Hiqni dorë nga kjo gjuhë e vjetër, energjia jonë duhet të përqëndrohet te krijimi i një alternative të besueshmë.
Përballja me Ramën nuk është të ndezësh flakadanë në parlament, kur Rama ngroh duar me to. Të bësh opozitë është pak më e vështirë se të ndezësh flakadanë në Kuvend”, u shpreh Basha./Opinion.al
