I dërguari i Donald Trump për misionet speciale, Richard Grenell ka reaguar lidhur me deklaratën që ka bërë drejtori i zyrës së shtypit të PD-së Alfred Lela, se ai ka lobuar për një vizitën e djalit të presidentit amerikan me kryeministrin Edi Rama.
Përmes një shkrimi në rrjetin social ‘X’, Grenell e ka përgenjeshtruar këtë lajm dhe ka kërkuar korrigjimin ose heqjen e tij.
“I dashur Alfred Lela. E kuptoj që jeni disa ditë larg një zgjedhjeje të rëndësishme. E kuptoj që emocionet janë të larta. Zgjedhjet tuaja i kam parë në heshtje nga anash, sepse Shqipëria është një aleate e rëndësishme dhe e besuar e Amerikës në NATO (dhe një nga vendet e mia të preferuara për të vizituar dhe për të pushuar). Por kjo histori nga media juaj është një gënjeshtër TOTALE. Duhet të korrigjohet menjëherë dhe të hiqet nëse ju interesojnë faktet”, thuhet në postim.
Postimin e Grenell e ka rishpërndarë edhe Trump Junior.
Dear @AlfredLela,
I realize you are days away from an important election. I understand emotions are high. I have watched your election silently from the sidelines because Albania is an important and trusted NATO ally of America (and one of my favorite countries to visit &… pic.twitter.com/kKPWaw9uIj
— Richard Grenell (@RichardGrenell) April 28, 2025
