Kryeprokurori i Përgjithshëm, Adriatik Llalla ka zbuluar ditën e sotme të vërtetën e refuzimit të vizës nga Ambasada Amerikane për Agron Gjanën, kreun e Prokurorisë së Durrësit.
Lllalla dhe një sërë prokurorësh morën pjesë në një konferencë të një shoqate në SHBA, mirëpo kryeprokurori i Durrësit, që ishte pjesë e delegacionit nuk mori dot vizë.
Ndërkohë që nga Prokuroria u tha disa ditë më parë se atij iu refuzua viza për shkak të mungesës të mungesës së dokumenteve, Llalla zbulon edhe një anë tjetër të pathënë për vizën e Gjanës.
“Kryeprokurori i Durrësit ishte pjesë e delegacionit tim për në SHBA. Por viza e tij nuk u dha në kohën e duhur për shkak të dokumentacionit. Më pas ajo u anulua fare dhe përgjigjja ishte nga ambasada se “nuk besonin se ai do të kthehej më në Shqipëri”, tha Llalla.
Ai përgënjeshtroi zërat se vizita në SHBA lidhet me Byronë Kombëtare të Hetimit.
