Sot në Senatin Amerikan do të degjohet dëshmita e palës akuzuese së Dr. Christine Blasey Ford, kundër profesorit dhe kandidatit për Gjykatën Supreme Amerikane, Brett Kavanaugh. Akuzat seksuale të Dr. Ford bëjnë fjalë për një ngjarje të ndodhur në gjimnaz, rreth viteve 1980-81. Gjithashtu akuza të tjera kanë dalë ditët e fundit nga Demokratët, që e akuzojnë Kavanaugh për akuza të ngjashme rreth të njëjtës periudhe.
Të thuash që këto akuza po përdoren për qëllime politike është plotësisht e drejtë. Republikanët vazhdojnë të ndjekin procesin ligjor duke kujtuar palën tjetër se akuzat janë të pa mbështetura nga dëshmi apo fakte konkrete, dhe kanë ndodhur mbi 36 vjet me parë dhe Kavanaugh nuk kishte funksion shtetëror. Demokratët gjithashtu kërkojnë një hetim nga FBI, diçka që Republikanët nuk duan të bëjnë. Argumenti tyre është se Kavanaugh ka mbi 20 vjet që punon si gjykatës dhe ka kaluar 6 hetime të FBI-së, çdo herë që është ngritur në detyrë. Gjithashtu ai nuk ka qënë punonjës i shtetit gjatë kohës që akuzat bëjnë fjalë. Republikanët e quajnë këtë kërkesë një taktikë për të vonuar procesin.
Por kjo histori nuk është hera e parë që ndodh. E njëjta dinamikë ngjarjesh ka ndodhur në vitin 1991 me kandidatin Republikan për Gjykatën Supreme, Clarence Thomas. Sidoqoftë çdo gjë është e mundur, dëshmitë dhe pyetjet sot do të jenë të forta.
Ndiqni LIVE:
