Një student u tregua i ashpër me Ramën duke i thënë mashtrues, gogol, etj. “Ju jeni mashtruesi më i madh në vend. Ti këtë që i ke bë Lul Bashës me çadrën, nuk mund ta bësh me ne. Ju keni 8 pikat dhe thoni nuk mjaftojnë. Unë këtë gjë si student nuk e pranoj. Më fyhet inteligjenca. Nuk negociohet për gjera bazë jetike. Nuk më pëlqejnë këto shfaqje, sic bëre në Top Show me freshistët. Jemi studente nuk jemi dele. Ti je i forti në këtë vend. Fëmijët nuk kanë më frikë nga gogoli kanë nga ju. Keni bërë ca keni bërë me vendin, ne jemi student duhet të tregoheni korrekt. Jam i lumtur nëse nuk pushkatohem! Kjo është një shfaqje e ndyrë”, tha studenti.
Rama tejet i revoltuar me studentin i tha: “Ta fyesh tjetrin nuk është trimëri por është rrugaçëri. Ti e quan popullin dele. Unë jo! Unë po të lë të protestosh. Të jesh në vende të tjera të fusin ujin me presion e të çojnë të lagur në klasë. Unë kam qenë protestues në atë kohë kur të merrnin jetën. Unë jam këtu për tu dëgjuar për kërkesat jo për të dëgjuar fyerje.
Ti qe e ben popullin dele, ti nuk je ujk, por je nje lepur, je si ai miu qe ishte tape dhe thoshte ‘ku eshte macoku se do ta shqyer, pse nuk po me del perpara’. Nuk po ta them si mbaron, se une nuk jam macoku e ti nuk je miu, por a je i dehur nga protesta, a ngaqe nuk shkon ne mesim, nuk e di, por te them qe pikat do te plotesohen, me ty, pa ty, por sepse ato jane te drejta.
Luli donte të fitonte jo të zgjidhte problemet, këtë nuk ia garantoj dot, por ti do fitosh do fitoj edhe unë. Numri im eshte 0682030272, në këtë numër herët ose vonë ti do më cosh sms dhe do më thuash të pres për kafe në Vlorë dhe pagesën e kafes do e bësh nga leket që do të japë qeveria për bursën.
