Kryeministri, Edi Rama, po pret liderët e rajonit dhe udhëheqësit e BE-së, në nisje të samitit historik të Procesit të Berlinit.
Rama ka dalë nga zyra e tij, për të pritur liderët në një tapet të kuq të vendosur para Kryeministrisë, në Bulevardin Dëshmorët e Kombit.
“Mirëseardhja e liderëve të rajonit dhe udhëheqësve të BE, në nisje të samitit historik të Procesit të Berlinit”-shkruan Rama në rrjetet sociale.
Ky samit është i një rëndësie të veçantë, pasi për herë të parë zhvillohet jashtë kufijve të Bashkimit Europian.
AXHENDA
Në orën 11:00 do të jetë pritja e liderëve.
Në orën 11:30 fjala hapëse.
Në orën 12:00 nis sesioni i punës, integrimi i rajonit në tregun e përbashkët europian dhe përmirësimi i konvergjencës me BE.
Në orën 13:30 fotografia familjare.
Në orën 15:30 nis sesioni i dytë i punës, mbështetja e tranzicionit të gjelbër dhe dixhital në Ballkanin Perëndimor.
Në orën 16:45 do të përurohet Kolegji i Europës në Tiranë.
Në orën 17:30 do të nënshkruhet marrëveshja rajonale për njohje reciproke të kualifikimit profesional.
Në orën 17:45 konferenca e përbashkët për shtyp.
Në orën 18:30 ceremonia e inaugurimit të Piramidës.
