Ka mbërritur me 20 minuta vonesë kryesocialisti Edi Rama në ambientet e Hotel Sheraton, ku po mbahet Asambleja e PS. Ky forum i socialisteve u hap me fjalen e kryetarit, Gramoz Ruci, i cili tha se PS nuk e trajtoi me eufori fitoren e 25 Qershorit.
“Fitoren e 25 qershorit PS nuk e pa me eufori, por me modesti, gjë që u shpreh që në deklarimin e parë të kryetarit të partisë pas dhënies së rezultatit përfundimtar. U ngritën 4 grupe pune për të përgatitur këtë mbledhje të asamblesë kombëtare, por edhe për të bërë realitet angazhimet elektorale që ne morëm”, tha Ruci.
Rendi i ditës
Grupi i parë ishte për performancën e deputetëve
Grupi i dytë për përfundimet për aksionin e dëgjesave publike
Grupi i tretë për ristrukturimin e institucioneve
Grupi i katërt për lehtësimin e procedurave burokratike
Grupi i pestë për bilancin e zgjedhjeve
Projektvendimi për zgjedhjet e reja në parti
Fjala e kryeministrit për 25 Qershorin
Asambleja e PS, Rama sot shpall Qeverinë, por ndryshe nga 4 vjet më parë…
Kryeministri Rama do të bëjë publike sot strukturën e qeverisë së re dhe emrat e ministrave të tij. Në mbledhjen e sotme të Asamblesë Kombëtare të PS-së, kryesocialisti do të bëjë dhe një analizë të rezultatit zgjedhor, por dhe objektivat që qeveria e re do të ketë gjatë mandatit të ri të saj.
