Gazeta Shqiptare ka publikuar një listë me emrat që kërcënuan dy ditë më parë deputetin Ben Blushi, ndërsa po merrte pjesë në mbledhjen e Partisë Socialiste. Në krye të kësaj liste janë dy dhëndurët e kryetarit të Bashkisë Elbasan, Qazim Sejdini, ndërsa lista vazhdon me punonjës të administratës dhe të Bashkisë së Elbasanit.
Lista me emrat e kërcënuesve
Aurel Mehja, drejtor i shërbimit zjarrfikës në Bashkinë e Elbasanit
dhe dhëndri i Qazim Sejdinit
Andri Mehja, inspektor i TatimTaksave në Bashkinë e Elbasanit dhe
vëllai i dhëndrit të Qazim Sejdinit
Irland Sina, drejtor i shërbimeve në Bashkinë e Elbasanit
Xhavahir Budani, kryetar rajoni në Bashkinë e Elbasanit
Lel Kaja, drejtor i INUV në Bashkinë e Elbasanit
Besnik Melloholli, inspektor i mjedisit në Bashkinë e Elbasanit
Xhevahir Kapllani, inspektor i INUV në Bashkinë e Elbasanit
Artan Gashi, kryetar rajoni në Bashkinë e Elbasanit
Tasha Gura, inspektore e TatimTaksave në Bashkinë e Elbasanit
Leta Gjana, mësuese gjimnazi
Hektor Çiftja, përgjegjës i mediave në PSnë e Elbasanit
Bardh Qaja, polic në Bashkinë e Elbasanit
Dy ditë më parë, në aktivitetin e anëtarësimeve të reja në Partinë Socialiste të Elbasanit, deputeti Ben Blushi u kërcënua dhe u godit një moment nga dhëndri i kryetarit të Bashkisë së Elbasanit, Aurel Mehja.
Por, gjatë këtij momenti ka ndërhyrë garda që shoqëronte Kryeministrin Rama. “Do të vras, ke bërë libër kundër gruas sime”, i ka thënë dhëndri i Sejdinit, Ben Blushit.
