Kryesia e Partisë Socialiste është mbledhur për të përfunduar diskutimet e fundit për shpalljen e listave për kandidatët për deputetë.
Në kampin socialist, Edi Rama e ka bërë të qartë se do të ketë një formatim të partisë me emra të rinj kandidatësh, të cilët do të jenë në listat e mbyllura së bashku me drejtuesit e qarqeve dhe terrenin për të konkurruar në lista të hapura do t’ia lërë deputetëve aktuale dhe kontributorëve të vjetër të Partisë Socialiste.
Gazetarja e Klan News, Klesiana Omeri ka siguruar emrat e kandidaturave nga Diaspora, në parim në listën e PS.
Emrat e propozuar nga Diaspora:
-Kristo Papa, në qarkun e Fierit. Kardiokirurg, vjen nga Londra.
-Erinda Aliaj, në qarkun Vlorë, vjen nga SHBA.
-Eduard Zadrima, në qarkun Shkodër, vjen nga Kanadaja.
-Zerina Bruci, në qarkun Tiranë, Koordinatore për Diasporën.
Pritet që këto emra të jenë potencialisht në listat e mbyllura, por gjithçka mund të ndryshojë pas mbledhjes së Kryesisë.
Ndër të tjera gazetarja bën të ditur se përveç drejtuesve të qarqeve është përcaktuar që në listë do të jenë edhe Ministrat që nuk e kanë një mandat deputeti.
Ndërkohë kreu i Partisë Aleanca e Maqedonasve për Integrimin Europian, Vasil Sterjovski që u tërhoq nga koalicioni zgjedhor i Partisë Demokratike, tashmë është konfirmuar që do të jetë në listën e Partisë Socialiste.
Përveç zotit Sterjovski është edhe ish-deputeti i Partisë Demokratike Alban Zeneli që pritet të jetë në listat e hapura të Partisë Socialiste në Kukës.
