Është liruar nga detyra Ilir Bejtja, zv/ministri i Infrastrukturës dhe Energjisë. Ky vendim ka ardhur me propozim të kryeministrit Edi Rama. Vendimi hyn në fuqi menjëherë dhe botohet në “Fletoren zyrtare”.
“LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Ilir Bejtja, zëvendësministër i Infrastrukturës dhe Energjisë, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”-thuhet në vendim.
